Kua tīmata a Te Aorere Pēwhairangi, tētahi kanohi kitea i te pae pāpāho, i Whakaata Māori hoki, i tētahi tūāoma tekau rā te roa mā te huarahi matua 35 mai i Tūranga-nui-a-Kiwa ki Wharekāhika.
Ko tana whāinga ko te whakatairanga, ko te kohi pūtea hoki mō ngā hapori i pā kinotia e huripari Kapereiria i karawhiu ai i ngā rohe o Te Tai Rāwhiti.
I tīmata a Te Aorere i tana hīkoi i Kaiti i te 13 o Māehe, ā, i tae atu ki Whangarā i tōna rā tuatahi (e 23 kiromita te roa). Ko ngā tāone ka torohia e ia i tēnei tūāoma ko Uawa, ko Tokomaru, ko Ruatōrea, ko Tikitiki, ko Te Araroa, ko Wharekāhika hoki. E hiahia ana ia ki te tūtakitaki i ngā hau kāinga i a ia e hīkoi haere ana ki te kōrero mō ngā taumahatanga kei runga i a rātou, ā, ki te tautoko hoki i ngā mahi hangahanga.
Ka kohi pūtea ia mā tana whārangi Givealittle, heoi anō e akiaki hoki ana a Te Aorere i te marea ki te tuku i ana pōhi mā ngā pae pāpāho pāpori hei whakatairanga, hei hāpai anō hoki i te kaupapa nei. Ko tana whāinga matua ko te whakaatu i ngā taumahatanga o tēnei tūāhuatanga me te akiaki i te marea ki te hāpai i ērā o Te Tai Rāwhiti e pāngia kinotia ana. Nō te taunga mai o te huripari kua noho mohoao te whānau o Te Aorere i te whanga o Tokomaru, ka mutu, e hiahia ana ia ki te āwhina i a rātou me ērā atu e noho pērā ana i tēnei wā.
Torohia atu te whārangi a Te Aorere (@teao_p)e kitea atu ai te roanga o tōna haerenga.
View this post on Instagram
Te Aorere Pēwhairangi, a well-known social media influencer and TV presenter on Whakaata Māori, has started a 10-day journey to walk the damaged State Highway 35 from Gisborne to Hicks Bay.
His aim is to raise awareness and funds for the communities affected by Cyclone Gabrielle, which devastated the East Coast regions.
Te Aorere started his hīkoi on 13th March from Kaiti and reached Whāngārā, covering 23 kilometres on the first day. His journey will take him through several towns, including Uawa/Tologa Bay, Tokomaru Bay, Ruatōrea, Tikitiki, Te Araroa, and Wharekāhika. He plans to meet with locals during his journey to see how they are coping and assist with rebuilding efforts.
While raising funds through his Givealittle page, Te Aorere also urges people to share his posts on social media to increase awareness and support. His primary goal is to raise awareness of the severity of the situation and encourage people to support the affected East Coast regions. Pēwhairangi’s whānau in Tokomaru Bay has been isolated since the cyclone, and he wants to help them and others in similar situations.
Follow @teao_p to watch Pēwhairangi’s journey.