E taea tonutia ana te tuku pepa whakauru mō Te Tohu Kiriaro o Kīngi Tūheitia tae noa atu ki te 23 o Māehe 2023. I whakarewaina tēnei whakataetae i te tau 2020, ā, he mea whakarite e te rōpū Pūkenga Whakaata me te tari o te Kīngitanga. Ko tōna takune, ko te whakatenatena i ngā ringatoi Māori e ara mai ana ki te waihanga i ngā kiriaro o ō rātou tūpuna ki ngā rawatoi ataata huhua.
Mā te whai i Te Tohu Kiriaro o Kīngi Tūheitia e whai wāhi ai tātou ki te whakaatu i ō tātou pūmanawa ki te motu, ka mutu, ka whakanuia ō tātou tūpuna.
E taea ana e ngā ringatoi te tuku ngā toi kiriaro hou o ō rātou tūpuna, ngā kiriaro rānei kua oti i roto i ngā tau e rua kua pahure ake nei.
Ka whakawāngia ngā toi o te rōpū whiringa whāiti e tētahi paewhiri ringatoi rongonui, ā, ko tētahi ko Graham Hoete (“Mr G”). He ringatoi peita kiriaro a Mr G, ā, kei Pāpāmoa ia e noho ana. E rongonui ana ia mō tana peita matarahi i ngā pakitara o ngā whare, ka kīia he ‘matarahi tiriti’ tēnei momo toi. Ko tētahi o ana toi nō tata nei, ko te pikitia o Hana Te Hemara e iri ana i Ngāmotu, e rima papa te teitei o tēnei matarahi.
Ka whakaatuhia ngā toi ka uru ki te whiringa whāiti ki Te Pūkenga Whakaata ki Te Whanganui-a-Tara mō ngā wiki e toru i te wā o Matariki.
Ka kati ngā tono hei te 23 o Māehe 2023, ā, ka pānuihia ngā toa whakaihuwaka hei te pō tuatahi o te whakaaturanga, ā te Wenerei te 24 o Mei 2023.
Torohia tēnei paetukutuku e kitea ai ētahi atu pārongo: https://www.nzportraitgallery.org.nz/kiingituheitiaaward
Kīngi Tūheitia Portraiture Award – Giving Māori Artists a National Stage
Entries for the Kīngi Tūheitia Portraiture Award are being accepted until the 23 March 2023. Launched in 2020 by Te Pūkenga Whakaata and the Office of the Kīngitanga, its intention is to inspire emerging Māori artists to create portraits of their tūpuna in any visual medium.
The Kīngi Tūheitia Award not only provides us with an opportunity to showcase our talents on a national platform, but it also allows us to document and acknowledge our tūpuna.
Artists can submit entries of newly created artwork or work that has been completed within the past two years of their tūpuna.
Finalist artwork will be judged by a panel of renowned artists, including well known portrait artist Graham Hoete, better known as “Mr G”. Mr G is a Māori multi-disciplinary artist, based in Pāpāmoa and more popularly known for his large street murals such as his recently completed 5 storey mural of Hana Te Hemara in Ngāmotu.
Shortlisted artwork will be showcased at The New Zealand Portrait Gallery Te Pūkenga Whakaata in Wellington for three weeks during Matariki.
Entries close on 23 March 2023 with winners being announced on the exhibition opening night on Wednesday 24 May 2023.
For more information, visit: https://www.nzportraitgallery.org.nz/kiingituheitiaaward