He Māori, he tangata hākinakina rongonui hoki a Jed Mildon nō Aotearoa! He tānematarau ia nō te ao BMX e mahi ana i ētahi tiriki e hinga katoa ai koe. He kīanga motuhake tā Jed: “Ki te whakaarohia e tō hinengaro, ka whakaponotia e tō manawa”. Ko te tikanga kē ia o tēnei, ki te moemoeātia e koe, ka taea e koe tērā moemoeā te whakatinana ki te whakapono koe ki a koe anō.
Nō Ngāti Kahungunu a Jed, ā, e noho nei ia ki Taupō. Kua neke atu i te 20 tau ia e eke ana i ngā paihikara BMX!
Kei a ia ētahi tohu o te ao e hanepī ai koe. Nāna te takahuri whakamuri, takahuri whakamua, me te peke 360 roa katoa, i te rangi kotahi! He pērā i te rere mā tētahi paihikara!
Heoi, ko te toanga mīharo katoa, ko tana peke i whā ai ngā takahuringa i te peke kotahi! He tuahangata tūturu a Jed nō te ao BMX. Kua whakaatu mai ia i te ara e tutuki ai ngā moemoeā, arā, ko te whakapau kaha me te whakapono ki te kaupapa. Nā, kia maharatia tana kōrero: Ki te whakaarohia e tō hinengaro, ka whakaponotia e tō manawa!
AUDIO FILE
ENGLISH TRANSLATION
Jed Mildon is a well-known Māori extreme sports star from New Zealand! He’s a BMX wizard who does mind-blowing tricks that will leave you amazed. Jed has a special saying: “If your mind can conceive it, then your heart will believe it.” This means that if you can dream it, you can make it come true if you believe in yourself.
Jed hails from Ngāti Kahungunu, and he now lives in Taupō. He’s been riding BMX bikes for more than 20 years! Jed has set some incredible world records that will make your jaw drop. He did the longest dirt-to-dirt BMX superman backflip, the longest dirt-to-dirt BMX front flip, and the longest dirt-to-dirt 360 BMX jump, all on the same day! That’s like flying on a bike!
But the most amazing record of all is when he did four backflips on a bicycle in a single jump! Jed is a true BMX legend, and he’s shown us that with hard work and passion we can achieve our dreams. So, remember Jed’s mantra: If you can dream it, you can achieve it!
