Kia ora! E rere nei ngā taumāhekeheke AIMS i tēnei wiki, i ngā rangi o te 3 – 8 o Mahuru. Koinei te tau 18 kua whakahaerehia ngā taumāhekeheke AIMS, ā, i te āhua nei, ko tēnei tau te tau nui katoa! Kua neke atu i te 22,000 ngā tāngata, hui katoa ngā tāngata katipā, ngā kaitautoko, me ngā kaiwhakataetae, kua tatū mai ki Te Moana a Toi mō tēnei tauwhāinga mīharo.
Tēnā, whakaarohia tēnei? Ko tōna 373 ngā kura e whai wāhi atu ana, ā, kei tōna 11,733 ngā kaiwhakataetae e taumāhekeheke ana i ngā hākinakina 25, pēnei i te whutupōro, i te netipōro, me te huhua kē noa atu. He hui hākinakina nui whakaharahara!
Ko tētahi āhuatanga pai rawa atu, ko te whai wāhitanga mai hoki a ētahi kura o whenua kē, pēnei i ngā Kuki Airani, i a Whītī, me Hāmoa, ki ngā mahi pārekareka. Ko te hua o tēnei, ko te tūtaki atu ngā tamariki ki ngā hoa o whenua kē!
E takatū nei a Tauranga ki tēnei wiki whakahirahira. Kua tāpuia e ngā tāngata ētahi wāhi noho mō tētahi wā roa i runga i tō rātou mōhio ki te pārekareka o te hui nei. Kua whakawātea hoki ētahi i ō rātou whare mō te roanga o te taumāhekeheke nei!
Ko te whāinga o ngā Taumāhekeheke AIMS, ko te arohaina o ngā mahi hākinakina, o te kori tinana, me te tautoko i ngā tīma o tō kura. Mēnā e whai wāhi atu ana koe, kia pārekareka ngā mahi!
Kia ora! AIMS games is happening this week, 3 – 8 September. This year marks the 18th edition of the AIMS Games, and it’s going to be the biggest one ever! More than 22,000 people, including officials, supporters, and junior athletes, are in the Bay of Plenty for this awesome event.
Guess what? A whopping 373 schools are taking part, with approximately 11,733 athletes competing in 25 different sports, like rugby, netball, and lots more. It’s a big sports festival!
What’s super cool is that some schools from other countries, like the Cook Islands, Fiji, and Samoa are joining in on the fun, too. That means kids get the chance to meet friends from different places!
Tauranga is ready for this exciting week. People have booked places to stay for a long time because they know how fun it is going to be. Even homeowners have let others stay in their homes during the games!
The AIMS Games are all about loving sports, exercise, and supporting your school teams. If you are participating, have fun!