Ka whakapaohotia Te Matatini: Herenga Waka – Herenga Tangata 50 ki TVNZ 2, mai i te 22 ki te 25 o Pēpuere, 2023.
Mā Scotty Morrison rāua ko Mātai Smith te tīma kaiwhakapaoho e ārahi i ngā rangi e whā o te whakataetae nei.
Mō te iwi e ngākaunui ana ki ngā mahi a Tānerore, kua whakaritea tētahi pae tautōhito ki te haka, ā, ko tā rātou, he tuku i ō rātou whakaaro i waenga i ngā tūnga a ngā kapa.
Hei tā te heamana o Te Matatini, hei tā Selwyn Parata, “E harikoa ana mātou ki te mahitahi me TVNZ hei whakaatu i te kapa haka ki tētahi hunga hou kāore anō kia tūtakitaki i tēnei tūmomo toi.”
Ko Te Matatini tētahi o ngā tino kaupapa a te Māori ka tū i ia rua tau. I tēnei tau, 45 katoa ngā kapa, ā, arā hoki tētahi kapa nō Ahitereiria e haere mai ana. Ka whakaarihia e ngā kapa ngā hua o ā rātau whakaharatau, o ā rātou whakapeto ngoi e hia manomano hāora te roa i roto i te whakaaturanga e 30 meneti te roa.
Ka whakanui te kapa haka i ngā pūrākau me ngā tikanga a ngā hapū, a ngā iwi, me ngā waka, ka mutu, he atamira tēnei hei whakatairanga i ngā take e hāngai pū ana ki a tātou, ki a Ngāi Māori.
Ka pāohotia mataoratia Te Matatini: Herenga Waka – Herenga Tangata ki TVNZ 2, ā, ko taua āhua tonu ki TVNZ+ mō ngā rangi e toru (Wenerei te 22, Tāite te 23, me te Paraire te 24) me te rangi whakamutunga (Rāhoroi 25), ā, ka wātea hoki ki TVNZ+ hei mātakitaki ā muri i te whakataetae.
AUDIO FILE
ENGLISH TRANSLATION
The exclusive broadcast of the 50th anniversary of Te Matatini Herenga Waka Herenga Tangata, will be aired live on channel TVNZ 2, between 22-25 February 2023.
Television presenters Scotty Morrison and Mātai Smith will lead the presenting line-up over the four days of competition. For die-hard fans, a rotating panel of kapa haka experts will provide their thoughts in between performances.
Selwyn Parata, Chairperson of Te Matatini, says, “We’re so excited to be partnering with TVNZ to bring kapa haka to new audiences who have never been exposed to this artform until now”.
Te Matatini is one of the most highly anticipated bi-annual cultural events on our calendar. This year, 45 teams, including one team travelling from Australia, will present the results of thousands of hours of gruelling training in a 30-minute performance.
Kapa haka not only celebrates the traditions and stories of hapū, iwi and waka, but is also a platform for us to raise awareness around the issues that directly affect us.
Te Matatini Herenga Waka Herenga Tangata will be broadcast live on TVNZ 2 and live streamed on TVNZ+ throughout the three preliminary days (Wednesday 22nd, Thursday 23rd, Friday 24th) and finals day (Saturday 25th) and will be available on TVNZ+ for catch-up viewing.
