Kua rongo rānei koe mō Mahuru Māori? He wero reo Māori nā Paraone Gloyne i tīmata i te tau 2014. Ko te whāinga o Mahuru Māori, ko te kōrero Māori i te marama o Mahuru. He huarahi tēnei e whakanuia ai, e māori ai hoki te rere o te reo i ā tātou mahi o ia rā.
Kāore he paku aha mehemea he iti tō reo, he nui rānei, e taea tonutia ana tō whai wāhitanga atu. Ko te mahi māmā pea ko te mihi ki te katoa i te reo Māori, ko te kōrero Māori anake rānei mō tētahi wāhanga o ia rā.
Arā te huhua o ngā tāngata e whai wāhi atu ana ki a Mahuru Māori, ā, e taea nei e tātou katoa te reo Māori te horapa ki ō tātou wāhi noho, me te hapori. E āhei ana hoki koe ki te whāngai i tāu e mōhio nei ki ētahi atu, te kawe i te reo Māori ki tō kura, te whakatenatena hoki i ētahi atu ki te ako, ki te whakamahi hoki i te reo.
He wā tēnei mō tātou ki te whakaatu i te pai o te reo ki te Māori, ki a tauiwi hoki, me kore e ora tonu te reo. Nō reira, kia takatū tātou mō Mahuru Māori 2023! Ki te hīkaka koe, rēhita mai, ā, ka tukuna atu hoki ētahi rauemi papai hei tautoko i a koe.
Kia kaha! Rēhita i https://www.mahurumaori.com/.
AUDIO FILE
ENGLISH TRANSLATION
Have you ever heard of Mahuru Māori? It’s a te reo Māori challenge that started in 2014 by Paraone Gloyne. The goal of Mahuru Māori is to speak as much te reo Māori as possible during the month of September. It’s a way to celebrate and make te reo Māori a normal part of our everyday lives.
It doesn’t matter if you’re a beginner or know heaps of te reo Māori, you can take part. It could be as simple as greeting everyone in te reo Māori or deciding to speak only te reo for a certain amount of time each day.
There are heaps of people participating in Mahuru Māori, and together we can help make te reo Māori heard around our neighbourhoods. You can share what you know with others, take te reo Māori to your school, and encourage others to learn and use te reo Māori.
Mahuru Māori is a chance for us to show Māori and non-Māori how awesome te reo Māori is and help keep it alive. So, let’s get ready for Mahuru Māori 2023! Show your participation by registering, you will also be sent some choice resources to help you.
Kia kaha! Register at https://www.mahurumaori.com/.
