Kātahi te kōrero pai! Ka hūnuku ētahi kākāpō nō roto o Ngāi Tahu ki tuawhenua noho ai, he tuatahitanga tēnei i roto i ēnei tau 40. E whā ngā tame kākāpō e hūnuku atu ana i Whenua Hou (he moutere iti e pātata ana ki Rakiura) ki Maungatautari (Waikato). Ka mahitahi a Ngāi Tahu me Te Papa Atawhai ki te tiaki i ngā manu, ā, ki te whakatupu i tō rātou taupori anō hoki.
Ko Maungatautari, te wāhi e nuku ai ngā manu, tētahi wāhi whānui e karapotihia ana e tētahi taiapa motuhake kia haumaru ai te noho a te kākāpō i ngā konihi, pēnei i ngā kiore me ngā toriura.
Ehara i te mahi māmā, te manaaki i ngā kākāpō. I whakamahia e ngā kaitiaki ētahi rautaki pūtaiao hei āwhina i a rātou ki te whānau pīpī. Heoi anō, nā te kaha tiaki i ngā kākāpō kua tupu haere te taupori, ā, nā konā me whai kāinga anō rātou.
E hurō ana te katoa i tēnei hūnukutanga, ka mutu, ki te tika katoa ngā āhuatanga, tērā pea ka tukuna ētahi atu kākāpō ki reira noho ai. Kātahi te kaupapa nui hei whakahaumaru i te kākāpō e puāwai mai ai rātou i te anamata. Ko te wawata, hei
tōna wā rangona whānuitia ai te reo papā o te kākāpō i tō tātou whenua taurikura.
Audio File
English Translation
Kākāpō return to the mainland
Good news! Ngāi Tahu kākāpō will be living on the mainland for the first time in almost 40 years. Four male kākāpō are moving from Whenua Hou (a small island off Rakiura) all the way to Maungatautari (Waikato).
Ngāi Tahu, along with the Department of Conservation, will work together to keep them safe and help their population grow. Sanctuary Mountain Maungatautari, where they are moving to, is a big area surrounded by a special fence to keep kākāpō safe from predators like rats and stoats.
Taking care of the kākāpō hasn’t been easy. They had to use special scientific methods to help them have babies. However, with lots of special care the kākāpō population has been growing and now they need more space to live.
Everyone is very happy about this move and if it goes well, then more kākāpō might join them. It’s a big step to make sure the kākāpō are safe and can thrive in the future. One day, we hope to hear the beautiful sound of kākāpō booming all around the country!
