I ētahi takiwā o Aotearoa, he maha rawa ngā kina! Kātahi te rongopai tērā ki te hunga e kaingākau ana ki ngā kina! Heoi, kāore e tau ana te pūnaha hauropi o te moana nā te maha rawa o ngā kina. Hei tā te kaimātai moana, hei tā Johnny Wright, kua nui rawa te hī a ngā tāngata i ngā momo ika momona ka kai i ngā kina, ka mutu, kua putu haere ngā kina nei. He nui rawa tonu te kai a ērā kina āpiti i ngā hua o ngā papa rimu, ā, kāore he kai mā ērā atu kararehe, mā ērā atu tipu o te moana.
Nō reira, e mahi tahi ana a Ngāti Porou Seafoods me EnviroStrat i tētahi kaupapa motuhake e kīia nei ko “Kinanomics”. Ko te whāinga o te kaupapa nei, ko te kawe atu i ngā kina i ngā wāhi e putu rawa ana, ki tētahi pāmu ahumoana, ki reira whāngaihia ai. Ka mōmona ana ngā kina rā, ka hokona atu rā te toene i ngā toa puta noa i Aotearoa, i ngā toa puta noa hoki i te ao.
Hei tā Ken Houkamau, nō Ngāti Porou Seafoods, me aro rātou ki ngā mātauranga o te Māori me ngā mātauranga pūtaiao. He pērā i tētahi hoa mauroa te mōhio o te Māori ki te moana, ka mutu, ki te hē tētahi āhua, he wawe noa ake tō rātou mōhio i ngā kaimātai pūtaiao.
He mea nui te mahi tahi e whai hua ai te katoa.
In some parts of Aotearoa, there are too many kina! For kina lovers, that sounds awesome! But having too many wild kina has caused an imbalance in the ocean. Sea scientist, Johnny Wright says people have caught too many of the big fish that eat kina and they have multiplied like crazy. All of the extra kina are eating too much kai around the seaweed beds and not leaving enough for other sea animals and plants.
So, a group called Ngāti Porou Seafoods and EnviroStrat are working together on a special project called “Kinanomics”. The Kinanomics project wants to take kina from places where there are too many, to a special aqua-farm and feed them up. When they are healthy and strong, they will sell their delicious roe in shops around Aotearoa and overseas.
Ken Houkamau from Ngāti Porou Seafoods, says that they need to listen to both Māori wisdom and scientific knowledge. The Māori people know the ocean like an old friend, and they can tell if something is wrong before the scientists can.
This teamwork is important to make things better for everyone.